ஏவி.எம்.நிறுவனத்தின் அறுபதாவது ஆண்டு விழாவையொட்டி ஏவி.எம்.தயாரிப்பில் முதல் முறையாக நடிக்கிறார் விஜய். 

ஏவி.மெய்யப்பச் செட்டியாரின் உழைப்பில் உருவான ஏவி.எம். நிறுவனத்தை இதே பெயரில் அவரது மகன்கள் ஏவி.எம்.சரவணன், ஏவி.எம்.பாலசுப்பிரமணியன் ஆகியோர் தனித்தனியாக நிர்வகித்து வருகின்றனர்.

ஏவி.எம்.சரவணன் தனது மகன் குகனுடன் இணைந்து 'சிவாஜி' படத்தை பிரமாண்டமாக தயாரித்தார். அடுத்து சூர்யா நடிப்பில் கே.வி.ஆனந்த் இயக்கும் படத்தை தயாரிக்க உள்ளார்.

ஏவி.எம்.பாலசுப்பிரமணியன் ஏ.வி.மெய்யப்பச்செட்டியாரின் நூற்றாண்டு விழா மற்றும் ஏவி.எம்.நிறுவனத்தின் அறுபதாவது ஆண்டு விழாவையொட்டி மிகப் பிரமாண்டமான படம் ஒன்றை தயாரிக்கிறார். இந்தப் படத்தில் நடிக்க விஜய் கால்ஷீட் கொடுத்துள்ளார். ஏவி.எம்.நிறுவனத்தின் படத்தில் விஜய் நடிப்பது இதுவே முதல் முறை என்பது குறிப்படத்தக்கது.

இந்தப் படத்தை இயக்குவது மற்றும் படத்தின் தொழில்நுட்பக் கலைஞர்கள் யார் என்பது விரைவில் அறிவிக்கப்படும் என ஏவி.எம்.மின் பத்திரிகை செய்திக் குறிப்பில் கூறப்பட்டுள்ளது.

பேரரசு இப்படத்தை இயக்குவார் எனத் தெரிகிறது.


 

Be first to comment this article

Write Comment

தமிழில் எழுத
பெயர்
இடுகை
* குறியீடு